Áskrift eldri borgara fór vel af stað hjá okkur og eru þeir sem njóta áskriftarinnar geysilega ánægðir og aðstandendur þeirra líka. Sjá nánar um Áskrift eldri borgara.

Félagslegt innlit er annað form sem einnig hefur gefið góða raun en það er þjónusta sem boðið er upp á klukkutíma í senn ýmist einu sinni eða tvisvar yfir daginn þar sem veitt er samvera, stuðningur við lyfjainntöku og aðra tilfallandi daglega þætti. Fólk nýtir sér þann sveigjanleika sem þjónusta okkar býður upp á með því að færa til, breyta og hagræða þjónustu sinni þannig að hún henti þeim sem best. Sjá nánar um félagslegt innlit.

Nýtt þjónustuúrræði fyrir eldri borgara. Þjónusta sem felst í ákveðnum fjölda klukkutíma á mánuði að eigin ósk sem viðkomandi kaupir og ráðstafar að eigin vild á þeim tíma sem honum hentar.

Þjónustan felst í almennri aðstoð heima við, verslunarferðum og snatterí, eftirliti hjúkrunarfræðings, vöktun og umönnun.

Það felast ómæld lífsgæði í því að búa við öruggan og góðan stuðning á eigin heimili. Kynntu þér þjónustu okkar og hafðu samband við ráðgjafa í síma 578-9800 eða á This e-mail address is being protected from spambots. You need JavaScript enabled to view it . Fylgist með á heimasíðu okkar www.vinun.is.

Við minnum á að þjónustusamningar sveitarfélaga, tryggingar og niðurgreiðslur eru ætíð til skoðunar einstaklingsbundið og því er gott að hafa í huga möguleikann á mótframlagi og niðurgreiðslum þegar leitað er eftir þjónustu Vinunar. Vinun veitir að sjálfsögðu ráðgjöf og aðstoð við allt slíkt.

Vinun býður upp á fjölbreytta þjónustu, bæði til lengri og styttri tíma fyrir fatlað fólk og langveikt. Tímabundin þjónusta og stakir tímar eru vinsælt fyrirkomulag en einnig hefur Áskrift eldri borgara komið mjög vel til móts við fólk sem þarf reglubundna þjónustu til þess að geta búið sem lengst heima. Áskrift eldri borgara er 18 klst á mánuði í persónumiðaðri þjónustu. Nánar má lesa um áskriftina hér.